Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

E CUGLIERE

Canon

Era tempu à e cugliere, sott’à un sole di furnace
D’ogni core à bulleghju sbucciavanu  essenze nove
Da u ventu e minace
Ne faciamu le prove
S’annunciavanu le strage

Cantavanu centu lochi capu rossu cù l’Umigna
Vicin’à le ire streme ind’un mare scatinatu
Durghjulava una maghjina
Quella d’un tempu beatu
Per mè stella matutina

Ghjunsenu l’ore disguasti
L’attrachjata di l’età
O tanti nomi catasti
Sott’à u pesu di l’andà

Marosuli di spaventu
Intinta à u sanguinà
Un focu pò esse spentu
Cum’è u vranu hè da sbuccià

Quì muvia u falcione guai n’eranu spiscine
O maria benedetta eri tù l’unicu sole
Di a ragione e cunfine
Ci parian’esse fole
Un castigone senza fine

Per issi’prati, abbandati ci pascianu, l’agnelli
Si stracciavanu fumaccie per fà piazza à suleoni
Ogni casa arruinata spalancava i so purtelli
In ogni bocca addulata ci vultavanu frastorni

È quandu vecu u terraniu
À  isse sciume boll’un passu
Quellu d’un locu orfagnu

Paisani-corsi.jpg
Dà nutrisce u scalamazzu
 
T’aspittem’à e cugliere
T’aspittem’à e cugliere
T’aspittem’à e cugliere!

 

Petru Canon hè un ghjovanu pueta guagnesu di 28 anni è un cantarinu appassiunatu. I so puisii sò stati aghjà publicati in Avali, U Taravu, Le Journal de la Corse. 

Commentaires