Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

PEDDI SÈ... È NERA

Marceddu







Inchjostru di a scrittura
di a virità
u suchju


l'acqua di u mari
di u populu
a vita


u lumu di u ghjornu
di a parola
a voci


u calori di u focu
di u soli
a fiamma
sè a peddi di u populu
di a libartà
corsa



lingua







Saveriu Valentini hè natu u 20 di sittembri 1947 in Sarra di Farru. Pueta, militanti culturali indiatu in u buddori di u Riacquistu sittantescu, cù a so attività di tiatrinu in u filu di Grotowski, Artaud o Brech, hà prumossu un versu fidu à a lingua corsa è criticu di a rialità isulana. Cufundatori di a cumpagnia « Teatru Paisanu » in 1973, hà scrittu, da par eddu o in parechji, U Fiatu, A Rimigna, A Cabbia, Innò, Prima tù, Soli di Ghjunghju Uni beddi pochi di i soii i puemi sò stati stampati in Rigiru. Hà publicatu dinò una racolta puetica Corsica Nazioni (1975) è unu racontu, A Cunfina (1978). Oghji, faci u ghjurnalistu-reporter di maghjini à France3Corsica.


Commentaires