Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

ÙN ATTIMPÀ

Marceddu


Ùn attimpà à dumani
La scelta di l'aligria
Godi senz'altru li stondi
Chì dani la franasia.

Ti poni tanti quistioni
Di la nascita d'u mondu
Di lu tennaru amori
Chì veni da lu più fondu.

Ùn ti laca mai svoglia
D'essa libaru di menti
Pensa sempri da par tè
Ancu par avè turmenti.

Ti brami a vita bedda
Colma di ghjorna di paci
Stantenduti lu to pani
È fendu ciò chì ti piaci.

Ùn tema di dì a toia
Cù tutt'i to sintimenti
Viaghjendu in u to locu
Fidatu à la to ghjenti.

Ti canti una canzona
Impruvisata di cori
È ti scappani da bocca
Beddi paroli d'amori.

Ùn attimpà di campatti
Chì lu tempu si ni sfughji
È ci laca à lu soli
Com'è cera chì si
Sdrughji.




Rinatu Coti hè natu u 20 dicembri 1944 in Aiacciu. Funziunariu di l’Educazioni naziunali in irritirata, hè u prisidenti di l’associu Cismonte è Pumonti. Hà messu à scrivu u corsu da ghjovanu ghjovanu è da tandu ùn hà mai spustatu. A so opara, ricca di parechji genari, rumanzi, raconti, puisii, teatru, assaghju, hè a più empia è a più di primura in a storia di a noscia litteratura. In i so libri si leghji l’universu suciali ed antrupulogicu di a Corsica, mitafora di un mondu fattu d’iniquità è d’intullarenza dundi mai si sminteca u scrittori di piglià a pratesa di la so ghjenti. Trà l’opari soi, ammintaremu Intornu à l’essezza (assaghju, 1978), Una Spasimata (rumanzu, 1985), Par viaghju (puisia, 1985), Raconti (1986), U Maceddu (teatru, 1988), Aligria (puisia, 1989), U Seminariu (teatru, 1993), Babbu Guidu (teatru, 1996), In u me filu (cronachi, 2002).
Pour être informé des derniers articles, inscrivez vous :

Commentaires