Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

CUSCENZA UMANA

marceddu

Facia aghjà tantu tempu
Ch’e vuliu cantà par tè
Oghji eccu u mumentu
Hè vinutu in faccia à mè
Paria ch’è tù durmissi
Com’è i toi accantu à tè
Paria ch’è tù durmissi
Ma a morti era ghjà in tè

In ‘ssa terra santa u branu
Era natu par campà
Tù l’avvii datu supranu
Cridendu à l’umanità
Ma l’umanità hè sfarenti
Solu tù pò ghjudicà
Mammi è figlioli sò in pienti
Metti in dolu a libartà

T’impastoghjani i ziteddi
Eiu ùn la possu supurtà
Saraghju sempri ribeddu
Di pettu à ‘ssa calamità
Ogni crimini hè udiosu
È quissu nomu ùn hà
A stedda in tempu bughjosu
Pensa par ùn sminticà

Ùn avariu mai cretu
Chì u to cori umanità
Fussi sempri cusì strettu
È mi fessi ramintà
L’animi carchi di sangui
Chì sò ghjunti à assassinà
I nucenti disgraziati
Sighi quì sighi culà

Pettu à quista barbaria
U mondu strida infamità
Ch’edda sighi dund’edda sighi
Cundanna senza pietà
È di ‘ss’abiettu distinu
Nimu si sminticarà
Chì in ‘ssu ghjornu d’arruvinu
A to terra crisciarà

Guarda ch’un ghjornu a stanga
A forza di supurtà
È à forza di stà in ‘ssa fanga
Da u mali truncarà
Allora cuscenza sana
Svegliati par ùn cripà
È si l’omu s’alluntana
Forzallu à raghjunà





Natali Valli, ghitarristu è cantadori attalintatu di u purtivichjacciu. Di lugliu 1979, cù parechji, s’impegna in u gruppu cantarinu SURGHJENTI, è si dà di manip à u Riacquistu culturali in anda tandu. Da 1989 in quà, in cerca di un versu intimu di di più, arrighjistreghja Natali Valli trè dischi :  Di qui è d'altrò (1990), U Viculu (1998) è Brasgi (2007). A musica soia trapassa i culturi è si campa fendu ch’eddi si mischiessini blues, jazz, bossa nova, folk… è lingua nustrali. Altr’è tandu i so testi, dundi si leghji sempri a primura di l’umanu, in cerca di dignità in un mondu duru troppu, crudeli ancu.
Pour être informé des derniers articles, inscrivez vous :

Commentaires