Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

MUNTAGNA

marceddu


Muntagna, muntagna cara eternu amori
Muntagna corsa fiera è sminticata
Fideli è muta tali una spusata
Ricca di storia è ricca di culori…
Par mè sarè sempri a me muntagna
Dundi a nivi hà tessu a curona
Imbalsamata da l’arba barona
Indù si cala è si spechja l’altagna !
Hà datu sempri aiutu à u rimitu
Persu da la disgrazia o la svintura
In a furesta zippa è sicura
Hà piattu u guerrieri è u banditu...
Muntagna corsa ascolta la me pena
Vàrdati da la piaghja traditora
Chì pianu pianu andarà à mora
Aval’ chì calcicata hè la so rena !
È i to ochji pieni di tristezza
Ùn poni chè vidè ‘ssu mondu vanu
Ùn datti più aiutu di so mani
È culmà u to cori d’amarezza
Ma un ghjornu vinarà chì a notti pagna
Si spannarà par dà piazza à u soli
Cantarani dinò i paisoli
È tù rinasciarè a me muntagna…
Un ghjornu vinarà indù l’omu ingratu
Dumandarà pardonu cù rimorsu
È tù muntagna mamma di u Corsu
L’assolvarè malgradu u so piccatu !!!



 

Marcu Ceccarelli, autori cunnisciutu è prizzatu, da amatori di puisii è cantarini nustrali, hè natu in 1922. Parechji di i testi soi sò stati missi in musica da I Muvrini, I Surghjenti, Diana di l'Alba. Sarà forsa unu di i più vechji pueti di penna in lingua corsa. Eppuri, sempri si dà di cori è di menti pigliendu o pratesi di a lingua è di a ghjenti di quì, in u rispettu fondu fondu pà ciò ch'eddu teni in cumunu ogni cristianu : l'umanità. Racolti puetichi n'hà scrittu uni beddi pochi, L'Attrachata (1968), Scossi (1976), À Veghja. Istatini sminticati (1990), L'Intricciata (2007).

Commentaires

CARAMBAOLE :0114: 01/12/2008 15:58

Un duel de poésie sur mon blog le 2 et 3
venez me visitez ,cela serait sympa tout autant que votre joli blog

02/12/2008 08:23



Merci pour l'invitation





à prestu, forsa