Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

DAMMI U MONDU

marceddu

 

 

Dammi l'aria pura

Dammi l'acqua bona

Dammi a natura

Suttu à i brancona

 

Dammi a granghjola

Dammi a murena

Suttu acqua fighjola

Ci hè una lucerna

 

Dammi u licetu

È a suarticcia

Dammi l'alivetu

È a castagniccia

 

Dammi a parnici

Dammi u cignali

A strada chì dici

Ciò chì conta è vali

 

Dammi u to anciu

A parola antica

Chì ghje' so chiranciu

Di boci sarrinca

 

Dammi u to versu

È quiddu di l'altru

Ch'e viva à traversu

Di l'unu è di l'altru

 

Tutta a variatezza

Di stu mondu caru

Hè una ricchezza


Ch'ùn hà micca paru.
 



Ghjuvandumenicu Tafani hè natu in 1969. Stà in Bala di Purtivechju. Maestru di scola, appassiunatu di lingua corsa, si dà di cori è d’intelletu à a ricerca linguistica.

Commentaires