Overblog
Suivre ce blog Administration + Créer mon blog

AVALI

avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

APUCALISSA

Marceddu
APUCALISSA
APUCALISSA

Aghju pensu à l’apucalissa È ci sò cadutu drentu… Marceddu Jureczek t’hà 34 anni. Hè natu in Aiacciu è ci insegna u corsu in liceu prufiziunali. Prisidenti di l’associu Matina Latina, hè u capiridattori di a rivista Avali è sicritariu di ridazzioni di u misincu U Taravu. Parechji di i soi i scritti, part’è più raconti, sò stati publicati in i rivisti mintuvati, in Bona Nova è le Journal de la Corse. U so prima rumanzu Ghjuventù Ghjuventù hà ricivutu u premiu 2007 di u libru corsu cuncessu da a Cullittività Tarrituriali di Corsica. U so sicondu libru, U Vantu di a Puvartà , un assaghju, hè sciutu...

A DROGA FORA

Marceddu
A DROGA FORA
A DROGA FORA

A droga hà tombu un figliolu Una mamma porta u dolu Perchè finisce cusì a so vita Quandu omu sà ch’ùn ghjè infinita A droga fora, mughjanu tutti Ma ogni ghjornu ne paspanu i so frutti Tant’ipocrisia è tante bugie Pè stonde di morte ch’ùn sò meraviglie. Cresce in u nostru locu Issu velenu chì spegne u focu Di a ghjuventù corsa infettata È chì lascia una famiglia addulurata O corsu sputicu, ricusa iss’assassina Chì ci invadisce cum’è a rimigna Pè fà pè a nostra Cursichella Una sorte più bella. Niculaiu Giovannetti hè un ghjovanu prufissori di Lingua è Cultura Corsa. Urezzincu, insegna in Aiacciu...

TRÈ PADDI IN U SPINU…

Marceddu
TRÈ PADDI IN U SPINU…
TRÈ PADDI IN U SPINU…

In prima sera, S’infiara u celi Sfriscia u ventu Straccia i nivuli di sangui A luna torra ceca U carrughju si ni stà bassu U caffè hè chetu. Ci vurrà à turrà i carreghi è à puliscia i toli. Ma aghjumpatu da a ghjurnata, l’omu spigni u lumu, sarra a porta, metti u lucchettu, faci falà u tindonu di u farru. Rimori, rimori in u neru pagnu. L’abissu burbuddeghja. U capu ingarmigliatu, l’omu si ni volta in casa, culà l’aspettani i soi. Spara un’ accendita, veni à minallu, una volta è po dui, è po trè. Si ni casca, si strascina, prova à intuppà a notti in unu raghju. Patansceghja è da quiddi tafoni,...

PARLANI DI CULTURA

Marceddu
PARLANI DI CULTURA
PARLANI DI CULTURA

Parlani di cultura Tutti Si ni empiini a bocca È ni parlani bè Com’è a to voci greva ùn ni sà dì parola Marchjatu ch’eddi l’ani in coddu Pistiata di pedi Insultata da in sù Ni parlani à bassavvi in coddu Oghji Oghji chì ci hè da sparta È a si facini soia Ma di tè Pai sanu Di tè Quali ni parla più Saveriu Valentini hè natu u 20 di si ttembri 1947 in Sarra di Farru. Pueta, militanti culturali indiatu in u buddori di u Riacquistu sittantescu, cù a so attività di tiatrinu in u filu di Grotowski, Artaud o Brech, hà prumossu un versu fidu à a lingua corsa è criticu di a rialità isulana. Cufundatori di...

À a prussima, o Natà….

Marceddu
À a prussima, o Natà….
À a prussima, o Natà….

Vesta nera è capu drittu si ne và u prufessore Cù la so ghitarra in manu è tante foglie spaperse Forza hè l’ultimu messaghju, semu ghjunti à l’altare Mancarà quì u maestru, à u cantà d’altre messe Trà lu bughju è la lumera ùn si pò fà l’accunsentu Solu hè bonu lu caminu ch’ùn trema sott’à lu ventu Avia sceltu l’andatura di quelli chì sanu luttà In pett’à la malvuluntà à l’orgogliu è la malavia Oghje di punta à quella teppa ci chjama l’omu à marchjà Nant’à u filu cusì strettu di a cuscenza fatta spia Trà vie torte è strada santa ùn ci hè ch’una croce à purtà Per diventà volpe umbrosa ùn ci hè ch’un...

CRERGU IN L'OMU

Marceddu
CRERGU IN L'OMU
CRERGU IN L'OMU

Crergu in l’Omu… Parch’eddu porta in lu so fondu Altri cosi cà eddu stessu Crergu in l’Omu Parchì in fondu à eddu stessu Hè muvimentu di vita… Crergu in l’Omu, Parchì sà cumpona Parchì sà accoglia è ligà amicizia, Cù u vicinu, criendu a fratiddanza È l’omi di dumani. Crergu in l’Omu, Parchì sà porghja una manu È ch’eddu si sà custruiscia, circhendu sempri À cunnosciasi. Crergu in l’Omu, Parch’eddu si sà trapassà, Puntatu da u soffiu di u Santissimu. Crergu in l’Omu, Parchì un ghjornu, I so ochji si aprani al dilà Di u sguardu pà mughjà U patimentu è a spiranza, È infini scuprendu anch’eddu Ciò...

Antulugia di a litteratura corsa

Marceddu
Antulugia di a litteratura corsa
Antulugia di a litteratura corsa

Misurgu l’onori fàttumi di scriva u prifaziu di a ristampa di l’Anthologie de la littérature corse di Mathieu Ceccaldi publicata da l’edizioni Klincksieck in 1973. Sta publicazioni vinìa dopu à u so Dictionnaire corse-français (pieve d’Evisa) isciutu in 1968. À ringrazià à l’associu Mimoria Bisinca cù l’Editori Alain Piazzola d’avè torru à stampà annu u dizziunariu. Pruceda à a riedizioni d’òpari esauriti cuncirnendu o scritti da parsunalità bisinchi o di a pievi d’Evisa hè unu di i scopi di l’associu. L’antulugìa hè a scelta chì Mathieu Ceccaldi cù rigori d’intellettu feci di scrittori è di testi...

HOMMAGE À LA CATALOGNE

Marceddu
HOMMAGE À LA CATALOGNE
HOMMAGE À LA CATALOGNE

Tistimunianza Hè divintatu l’usu, oghji ghjornu, ma in i cuntrasti pulitichi, ma in i libri, ma in l’emissioni di a televisiò, di dichjarà chì u sucialisimu hè utupia, chì rializà ùn si pò, è saria priculosu ancu. Da scunvinciavi, abbadeti ghjà i provi sturicamenti faltati di i Russi, Chinesi, Cubani, Cureani è tanti altri. À ‘ssi puliticanti, à ‘ssi storichi, à ‘ssi ghjurnalisti, mai li vinarà in cori d’apradà a parola uguaglianza da qualificà u sucialisimu ; truvarani di di più ammaniti paroli o sprissioni tal’è quali sottumissioni, partitu unicu, ripressioni, pianificazioni è tir’è tocca. Centu...

TRADUZZIONE È TRADUTTORI

marceddu
TRADUZZIONE È TRADUTTORI
TRADUZZIONE È TRADUTTORI

Aghju truvatu in BARATTI una somma d’analisi è di penseri, sprimati da molti è diversi autori autorizati, pettu à issa prublematica chì mette in cuntrastu o in paragone, traduttore è traduzzione. M’hè parsu interessente di risorge ne qualchì vista, essendu chì mi sò sempre datu à traduce, primuratu da u fattu piacevule, ma dinò, è questa ùn hè venuta chè più tardi, à prò d’arricchisce a lingua materna è in issu mentre a furestera, senza cuntà u fattu valurizente di a mente è di l’intendimentu : "stà à prò di a mio mente tuttu ciò chì mi vene d’altrò", cusì dicia quellu chì era sempre in brama d’amparera....

INVISTITA - ERRANCE

Marceddu
INVISTITA - ERRANCE
INVISTITA - ERRANCE

Puesii “I me primi puesii, scritti in u Sittanti è stampati in pochi asimplarii, ùn mi cunviniani più à tempu d’oghji. Aviu pinsatu à lacalli in un fondu di scagnu ma sta mania di fà u novu cù l’anzianu m’hè rivinuta. Mi socu dittu : Mi piaci à fà parlà a petra è l’acqua, aghju da pugnà à fà parlà a parolla duvintata straniera à idda stessa”. Nurbertu PAGANELLI, hè unu di quiddi pueti nati in i buddori di a Corsica di u Sittanta, in cori à u Riacquistu culturali di tandu. Omu di a parola ghjusta è di u pinsamentu assinnatu, l’amori di a so terra si leghji in a scrittura soia, ma senza ch’eddu lachi...

<< < 10 11 12 13 14 > >>