L'ARTIFIZIU

Donna à fantàsimi inghjumiddati

Quant’è stradi virtuali :

Albi novi

À speri inchjirchjati

In u sangu maccu

Di l’omu, bramosu dinò,

Circhendu vìa di tè

U fiori d’iddu stessu,

Doppiu naturali

Paru è micca,

In u fuddetu idènticu

Di a quèstula persa,

In l’artifiziu artificiali

Inghjinnatu da 5 ditti è una mani

assirinata da calchì raghjoni freta

Scalculendu di l’oru

Un prufittu viniali

D’un artifiziu novu

Infilzendu a vita

À una cullana d’artifizii

In u smintecu di un prisenti

Scughju da u partu

Di u Donu

D’amicizia

Di parola

Frustera

Frusta

Aiutu propiu

Riflessu

Di no stessi

À l’infinitu,

In u labirintu d’un’ andatura

umana sempri

Lisandru Muzy, duttori in infurmatica di l’Università di Corti, circadori à u CNRS, t’hà 29 anni. Pueta attalintatu è ricunnisciutu, l’hè statu cuncessu cù u so sicondu libru in puisii, In i me ochja, u premiu di u libru in lingua corsa di a Cullittività Tarrituriali di Corsica pà u 2006. A so prima racolta puetica, I sonnia agaresi, hè sciuta in u 2002.