PARZIALITÀ

marceddu

29 oct. 2008

Videmu in cisbugliulu la nazione
Da la parzialità ch'hà parturitu
Di ghjustizia u sintimu hè sparitu

'Ssi signuracci 'ssi capitalisti
I privilegi anu ristituitu
Pè sustenesi à u capu di u partitu

U populu ormai sà chì li guverni
In associu sò cù u capitale
È tessenu frà elli u più gran male

È mentre ch'o patimu d'ogni cosa
Ch'o patimu l'affronti è l'inghjustizie
Le nostre le miserie, sò le so delizie

Di questi ùn ci vole à supportà la somma
Si vurrebbinu impone da eroi
Ma più brutti è più bassi sò chè noi

Pè difende i diritti di la to sorte
Ricordati u passatu, le suffranze
Pè ùn lascià tumbà le to speranze

PIAZZOLI Francescu cugnumatu L'Orsu d'Orezza hè natu in 1895 è si n'hè mortu in Italia dund'eddi dicidì di viva in accordu cù i so idei in 1937, postu ch'eddu era irridintistu. Pueta, amatori di u chjam'è rispondi, hà cullaburatu à A Muvra.

Commentaires