Overblog Tous les blogs Top blogs Littérature, BD & Poésie
Editer l'article Suivre ce blog Administration + Créer mon blog
MENU
Tous les blogs Top blogs Littérature, BD & Poésie Tous les blogs Littérature, BD & Poésie
Recherche
+ Créer mon blog Editer l'article Suivre ce blog Administration
Partager
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

FORSA

Marceddu
12 août 2010

 

christ.jpg

 

Dananzi à u soli ardenti

Vattu quidda stonda

Ind’è l’attesa di un segnu

Chì forsa ùn ci sarà

E à nimu aspettu

Chì forsa nimu ci sarà

Ind’è l’ora accesa

Facciu a spia à a campana

I so chjocchi accaspati

Stracciani l’aria è s’alzani

Volti i più alti nuli

È ùn aspettu à nimu forsa

 

Forsa tù credi trà i to quattru muri

Chì quiddu annantu à u legnu

Vinarà, l’hà imprumissa, tantu tempu fà

È ùn pò mancà

Vinarà pà u pardonu

Vinarà pà u riscattu

Di i so peni è di i toi

Pà dì ch’edda hè compia

A sorti mischina

Di l’omu chì devi mora

È di u Diu chì devi soffra

Forsa vinarà

Forsa dighjà veni


Eiu ùn sentu.

 


Marceddu Jureczek

Pour être informé des derniers articles, inscrivez vous :
Vous aimerez aussi :
Pisà capu
Pisà capu
NON, SAPHO
NON, SAPHO
Culandi inghjò
Culandi inghjò
Citroën
Citroën
Commentaires
M
Marcu
25/08/2010 09:40
<br /> Un Marceddu pueta mancu l'aspittaiu !<br /> Vengu di leghjami u "libru di a puvartà è di a morti" di Rilke, è trovu in 'ssu testu calchì sumidda di tonu. Un rifusu o un rigrettu di l'inasistenza di Diu ?<br /> Mi piaci monda di vedati affaccà nant'à 'ssi spondi di a literatura !<br /> <br /> <br />
Répondre
26/08/2010 08:47
<br /> <br /> Di fatti, puisii, n'aghju scrittu uni beddi pochi, ma, turrendu à leghjali, mi dispiacini mori... quand'edda casca, ni ricacciu una, com'è quista quì.<br /> <br /> <br />  <br /> <br /> <br /> Pà risponda à una dumanda ancu à fà, ciò chì mi dispiaci in puemi mei, à spessu, hè l'indetarminazaioni generica ch'e ci s'infattu : puesia, prosa puetica o prosa chì cerca à biffà a puesia<br /> ? <br /> <br /> <br /> Oramai a pensu cusì : sò di di più prusatori cà pueta è mi cunveni cusì...<br /> <br /> <br />  <br /> <br /> <br /> Marceddu<br /> <br /> <br /> <br />
B
BERTRAND Carole
22/08/2010 09:44
<br /> Nè l'intendu nè lu sentu ancu eiu quellu chì d'altronde mai ùn vinarà datu chì per ch'ella sìa goie è suffrenze a vita ci vole chì tutt'ognunu paghi a so vita più o menu straziata di una morte<br /> assicurata, ùn hè ? O sorte ingrata chì ci mette tutti à andà à chì à a destra à chì a amanca, tutti spari finu à l'ùltim'epìlugu . M'hà quantunque cummossa a vostra ssa puesia è vi ne ringraziu<br /> assai. Chì voi e sapete dì e cose tale è quale è bench'ellu sìa tristu, scuncertante è senza ritornu u nostru sughjornu in Terra Umana ! Vi salutu. Amicizia Carole<br /> <br /> <br />
Répondre
24/08/2010 09:28
<br /> <br /> à ringraziavvi pà 'ssu mottu o Carole.<br /> <br /> <br />  <br /> <br /> <br /> à prestu<br /> <br /> <br />  <br /> <br /> <br /> Marceddu<br /> <br /> <br /> <br />