Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

U VANTU DI A PUVARTÀ

Marceddu

Assaghju

Tena à contu.

Sò paroli maestri, è micca solu paroli, bensì pinsamentu : «Tena à contu», ciò chì Nannò, a minnanna di Marceddu Jureczek li dìcìa da ziteddu. È chì, à u veru fondu, dani a so sustanza à u so assaghju U vantu di a puvartà, isciutu di pocu.
U pinsamentu di Marceddu s’avvìa in u filu di i scrittori di u pòpulu chì si sò impignati pà u pòpulu. Ci funu in terra corsa, par un dettu : Ghjacumu Santu Versini, Saveriu Paoli, Sebastiano Dalzeto…
Quissi sò di a sterpa di l’òmini chì s’adutilitèghjani di a so penna à prò di u pòpulu. Sapendu chì sta parola ‘pòpulu’ hè d’eminenti dignità.

Da una banda c’èrani i sgiò. Da quidd’altra c’era u pòpulu. I sgiò èrani in parechji. U pòpulu era unu, affaccindatu à dassi di mani in un’òpara cumuna di donu è spartera. È u pòpulu t’hà l’invinimentu di sapè di cugnizioni propia, chì a virità hè assuluta, è par ciò hè senza cunclusioni.
I sgiò invòcani u «Signori». U pòpulu invoca u «Signureddu». Issu diminutivu hè a so vera manera di tena à contu a Putenza Suprana incarnalatusi in un paddaghju è parsicutata da u rè crudeli Arodu. È issa criatura vighjata da li feri ùn si riduci à un pezzu di carri cù dui ochja chì i praputenti poni marturà.
Oghji più di mai, di pettu à l’anònima glubalizazioni chì si cumporta com’è unu Statu mundiali spruvistu di règuli di fedi senza leghji, l’omu – l’òmini pòpulu – perdi stendu solu è vinci accuglièndusi da difenda i valori chì sò i punteddi di a so casa cumuna d’umanità.

Marceddu hè d’issu pòpulu chì campa, pattu è cundizioni di tena i so valori, di fanni contu è cura, vìa di tènali à contu, sicondu u dettu magnìficu di Nannò. Tena à contu da furmà u prughjettu da dumani. Socu d’accunsentu cù Marceddu in ogni particulari di u so scrittu.
Hè un onori di stà di u so pòpulu è d’ùn tradillu mai. Hè un mònitu assinnatu è prupiziu ch’eddu ci porghji Marceddu in stu scrittu chì marca a forza è a cuerenza di u so pinsamentu. Di a so fundezza è di a so drizzura.
M’alegru di sta publicazioni chì faci di Marceddu una voci, una cuscenza, un taccheri, da un avvena degnu pà a Corsica, pàtria di a libartà, di a ripùblica, di a dimucrazìa.


Voilà des mots essentiels, et bien au de-là de simples mots, voilà un authentique mode de pensée : « Prends en soin », ainsi parlait Nannò, la grand-mère de Marceddu Jureczek à l’enfant qu’il était. Ce sont ces mots, ces quelques mots véritablement, qui donnent toute sa profondeur à cet essai U vantu di a puvartà-L’éloge de la pauvreté.
La pensée de Marceddu creuse le sillon de ces écrivains qui, nés du peuple, s’engagent à ses côtés. En terre de Corse, ils se nommèrent par exemple : Ghjacumu Santu Versini, Saveriu Paoli, Sebastiano Dalzeto…
Ceux-là sont du parti des hommes qui mettent leur plume au service du peuple. Et gardons en mémoire que ce mot de « peuple » est chargé de remarquable dignité. D’un côté étaient les « messieurs », les possédants. De l’autre était le peuple. Les riches étaient plusieurs. Le peuple était un, afféré tout entier à une entreprise commune faite de partage et de don. Et le peuple conserve en lui le souvenir tenace de cette œuvre passée, mais qui refuse de s’estomper.
Les riches imploraient le “Seigneur”. Le peuple invoquait le « petit Jésus ». C’est dans ce diminutif familier que se révèle sa manière bien à lui de considérer la Puissance Supérieure, qui se fit homme et naquit dans une étable pour être persécutée par le cruel roi Hérodote. Et ce nouveau-né encadré et veillé par l’âne et le bœuf, ne peut se réduire à une simple enveloppe charnelle que les puissants se plaisent à martyriser.
Aujourd’hui, plus que jamais, face à l’anonyme mondialisation qui agit tel un Etat global affranchi de règles et de lois, l’homme – les hommes-peuple – se condamne à être défait s’il est seul et l’emporte lorsqu’il s’associe aux siens afin de défendre les valeurs piliers de la commune maison humaine.
Marceddu est de ce peuple qui vit, à la seule condition de préserver ses valeurs, de les faire prospérer, d’en prendre soin, selon la magnifique  formule de Nannò. Prendre soin et ainsi forger un projet d’avenir. Je partage l’avis de Marceddu. Son engagement est aussi le mien.
Vivre avec son peuple et ne point le trahir, voilà où réside la véritable dignité, voilà le seul honneur.
C’est un texte plein de bon sens et d’à-propos que nous livre Marceddu ; un texte qui marque la force et la cohérence de sa pensée. De sa profondeur et de sa sincérité.
Cette publication me réjouit car elle fait de Marceddu une voix, une conscience, un compagnon, sur la longue route vers un avenir meilleur pour la Corse, patrie de la liberté, de la république, de la démocratie.
Rinatu Coti

- Avali vi pruponi un passu di U Vantu di a Puvartà -

“In Corsica, u 60a è masimu u 70a ani arricatu mutazioni fondi fondi.
In dui dicennii, semu passati da u mondu arcàicu, à u mondu post industriali, da a civilizazioni di u fuconu, à quidda di a televisiò, di a sgiocca à u teleffuninu. Mancu più c’era bisognu d’andà à veda com’eddu era fattu u mondu chì vi ghjugnìa in casa, vi ghjugnìa. S’erani sfundati i muri chì spiccavani i ricchi da i pòvari.
Tandu s’iniziò l’opara d’acculturazioni. U spiritu di a classa benistanti, u solu prumossu da i media muderni, è l’ideulugia di u cunsumu missini à u ruveddu a vechja cultura pupulara. In pochi anni, a lingua antica turrò à nudda, com’è quiddi vechji bascheri, senza valori più, inutuli. I pòvari si truvetini privi di cultura, privi di a parlata soia, senza più quidda forza chì fin’ad ora l’avìa fatti fieri di ciò ch’eddi erani. Erani stati canciddati i mudelli di cumpurtamentu pupulari chì fecini u veru di a vita nantu à a terra di Corsica.
Da tandu, in cori à i ghjovani corsi, hè nata a vargogna di ciò ch’eddi sò stati da sempri, a vargogna di ciò ch’eddi parlavani, di a so manera d’essa, di tenasi è d’incaminassi in a vita : si sò vulsuti assumiglià à i ricchi, vali à dì à u mudellu prumossu com’è unicu da i media.

Oghji, figlioli è bisfiglioli di u “bassu populu”, citadini è paisani (di u pocu chì ferma à stà in paesi), si dani à fà com’è i sgiò di prima. Mancu à dilla, da tandu ani cumenciu à disprizzà a cultura pupulari. Si sò insignuriti, si sò imburghisiti”.


U Vantu di a Puvartà, Marceddu Jureczek, Matina Latina-Cismonte & Pumonti, 67 p., 10 €

Pour être informé des derniers articles, inscrivez vous :

Commentaires