UN PEZZU DI PETRA NERA
26
sept.
2009
In i viola muntagnoli si vidini picculi mori di petra chì u tempu hà fasciatu di murza. Suvitenduli, vi portani sin’à i bucchi o i foci pà aiutavvi à varcà i monti, sò stati fatti pà insignacci a strada chì no ùn ci pirdissimi. L’antichi i chjametini madunnini, madunnetti o madunnuchji... Tuttu cumminciò a notti di quiddu timpurali. Sonu è acciniti chjariavani u circondu, grandina è buttighjona scurticaiani a crista ‘lla muntagna. Spinursali rasciatu da i burrascona ‘llu ventu, fasciatu da i nivona è richjaratu da i scurrotona d’acqua ; spinursali indù ùn nascìa un pizzineddu d’arba. Com’u subrafrasca,...