Overblog Suivre ce blog
Editer l'article Administration Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

CISMONTE & PUMONTI

 

 

In u 1983, nascìa a casa d'edizioni Cismonte è Pumonti.

In u 2011, t'hà 28 anni. 28 anni da fà a noscia casa

 


 

Parchì Cismonte è Pumonti hè a noscia casa ?

Oghji sò sminticati l'attrazzi antichi. Hè u mondu di l'incrochji vani. Tuttu torra materia. Da ciò chì si manghja à l'omu, quantificati è valutati, vìa u soldu. È cussì và tuttu. È cussì và u sapè. Quiddu scularu, ùn hè più ghjuvaticciu da capiscia u mondu. Diventa un invistimentu chì pochi si poni pagà. Cussì vali pà i nosci loca, chì ci priculeghja a noscia casa di famidda. Cussì u libru hè rivalutatu, da a più parti di i casi d'edizioni, torri impresi, da tuccà calchì soldi. Inveci,

Da publicà, Cismonte è pumonti fonda u so ghjudiziu annant'à un invistimentu culturali è generaziunali.

 

Parchì Cismonte è Pumonti hè cunvivenza ?

L'individuali è u cullettivu sò intricciati. Da subravivva l'insemu chè no semu devi purtà ad ugnunu com'è ugnunu devi purtà à l'insemu. Cussì ugnunu firmarà vivu. Hè u versu campagnolu è paisanu. Hè a fedi chè no t'avemu chì ugni vita ùn pò essa valutata. Bensì, ugni boci conta. Parchì tuttu hè liatu : ugni attu in ugni vita. Si sà bè chè u mignòculu (bug) pò firmà u cumputori, mudellu di tècnica è di soldi. Si sà dinò chì u mignòculu (a vespa o a mosca) pò lampà u prìncipu da u cavaddu, fussi di màrmaru. Semu pocu affari. A ci dici l'anzianu tistamentu : "L'ùltimi sarani primi."

Cussì hè a parola (fussi scritta o à bucca.) Ugni parola conta. È moltu più quidda culma di sumerinu è à suvu.

Cismonte è Pumonti, quant'idda pò, aiuta, senti è sparti incù ugnunu, da u minori à u maiori.

Cismonte è Pumonti hè un associu d'òmini è di donni chì, aduniti, ùn metti solda in bunetta. I pochi solda vinti da l'autori, com'è ricivuti, sò trasmissi à l'altri à vena è d'andà. Solu u lavoru di i nosci mani, di i nosci ciarbedda sò quì à cumpeta incù u soldu. Cussì, sicura, quandu si devi inscascià da spachjà, solu l'autori (o a lingua ;-) ) à a moda si publicheghja. In Cismonte è Pumonti inveci, piddemu i nosci ghjambi, i nosci pedi, i nosci petta, i nosci mani, è c'impignemu, vìa l'òpara cumuna ma dinò individuali. È circhemu, da par no, di spachjà è di scriva. Oghji in a sucità, chì u scambiu si faci - pà u più - vìa un sirviziu pagatu. L'omu, puri stuppendu, diventa bonu à scedda è à pagà un antru da fà pà u più ciò chì li tocca à fà. Inveci,


         Cismonte è pumonti vi darà a cunvivenza, quantu li pudeti dà.

 

 


Lisandru Muzy

Pour être informé des derniers articles, inscrivez vous :

Commentaires