Overblog
Suivre ce blog Administration + Créer mon blog
AVALI avali, a rivistablog primurosa di u spannamentu di a pruduzzioni litteraria corsa d’oghji, ma à tempu locu di baratti è di critica suciali.

libri

INVISTITA - ERRANCE

Marceddu
INVISTITA - ERRANCE
INVISTITA - ERRANCE

Puesii “I me primi puesii, scritti in u Sittanti è stampati in pochi asimplarii, ùn mi cunviniani più à tempu d’oghji. Aviu pinsatu à lacalli in un fondu di scagnu ma sta mania di fà u novu cù l’anzianu m’hè rivinuta. Mi socu dittu : Mi piaci à fà parlà a petra è l’acqua, aghju da pugnà à fà parlà a parolla duvintata straniera à idda stessa”. Nurbertu PAGANELLI, hè unu di quiddi pueti nati in i buddori di a Corsica di u Sittanta, in cori à u Riacquistu culturali di tandu. Omu di a parola ghjusta è di u pinsamentu assinnatu, l’amori di a so terra si leghji in a scrittura soia, ma senza ch’eddu lachi...

PULIFUNIE

Marceddu
PULIFUNIE
PULIFUNIE

In Corsica più cà in altrò, publicà un libru in corsu, di sintimu naziunali, hè una prova. Ma quandu si torra à publicallu un’antra volta, hè tandu una vittoria. D’altrondi a ramenta sempri a voci antica : à chì a dura a vinci ! È Iviu Pasquali ùn hè unu chì tralascia. Bensì hè omu ribradutu chì ramenta chì u megliu modu di ùn mora di seti hè di dissitassi à l’acqua di a surghjenti tarrana. Masimu chì si tratta propiu quì di l’Acqui d’Orezza. Sò acqui quissi chì viaghjani senza bisognu qualunqua di riclama. Hè acqua schietta d’induli naturali. Ci vurrà di stunassi chì da sta terra vechja com’è...

À MEZA VIA

Marceddu
À MEZA VIA
À MEZA VIA

Puisii Viaghjendu nasci a puisia. Par via chì a puisia hè viaghju framanti. Viaghju par mezu mondu. Viaghju drentu à sè. Vistighi di sonniu. Amori di u locu. Amori di a ghjenti. mimoria suminaghjola pà i ghjorna ancu à vena. À vena. Sempri. In u so introitu à u littori, a dici da par eddu Ghjuvan Micheli Weber chì st’opara di soiu hè à l’arici di a so mità di vita, a so meza via. si pensa senz’altru à Dante principiendu cusì l’infernu di a so cummedia : « Nel mezzo del cammin di nostra vita ». Ghjuvan Micheli hà francatu i vicendi di a so selva scura. Hà tinutu menti u di bonu di i passati. Ci...

DI RIME È DI PASSIONE

Marceddu
DI RIME È DI PASSIONE
DI RIME È DI PASSIONE

Puisii Semu insignati chì l’omu diventà ciò ch’eddu hè. Ma nimu nasci imparatu. Eppuri, si nasci pueta cù u sìntimu suttu cù u latti. U latti mammarecciu hè u vittu di u corpu. È u sìntimu, suttu à listessu tempu, hè u stintu di u spìritu. Carl’Antone Guastalli hè pueta di sìntimu. U so essa fondu hè una fonti ascosa chì funghjulisci è mai laca ch’edda sicchessi a ràdica maestra di l’impegnu puèticu. Omu di u so locu, pievi d’Orezza in terra corsa, appassiunatu da i so sarri, attenti à a cundizioni umana, Carl’Antone ci prisenta a so prima accolta di puemma. Lighjìtili, turreti à lèghjali, da gòdani...

L'INTRICCIATA

Marceddu
L'INTRICCIATA
L'INTRICCIATA

Puisii Pueta annaturalatu, di virsura schietta, d’ìnduli propiu, Marcu Ceccarelli rapisci u cori è a menti di chì u leghji cù sti spichi di puisia accolti da alzà u lumu par sopr’à a bughjura. L’orbu tarrincu pari ch’eddu si scundisessi. L’umanità cresci in quantità di ghjenti, ma forza parti subisci i sempiterni numicii : guerra, fami, seti, pidimii… U XXu sèculu fù u peghju di tutti i sèculi. L’abiezzioni in cori à a civiltà umana. U regima nazista praputenti vulìa eliminà u pòpulu ghjudeu. In quant’è à u stalinìsimu si cunnosci dinò i crìmini smisurati. A stola di i disgrazii è di i disgraziati...

U VANTU DI A PUVARTÀ

Marceddu
U VANTU DI A PUVARTÀ
U VANTU DI A PUVARTÀ

Assaghju Tena à contu. Sò paroli maestri, è micca solu paroli, bensì pinsamentu : «Tena à contu», ciò chì Nannò, a minnanna di Marceddu Jureczek li dìcìa da ziteddu. È chì, à u veru fondu, dani a so sustanza à u so assaghju U vantu di a puvartà, isciutu di pocu. U pinsamentu di Marceddu s’avvìa in u filu di i scrittori di u pòpulu chì si sò impignati pà u pòpulu. Ci funu in terra corsa, par un dettu : Ghjacumu Santu Versini, Saveriu Paoli, Sebastiano Dalzeto… Quissi sò di a sterpa di l’òmini chì s’adutilitèghjani di a so penna à prò di u pòpulu. Sapendu chì sta parola ‘pòpulu’ hè d’eminenti dignità....

<< < 1 2